منتديات قلبي وهم


اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
الرئيسيةيمكن احبكالتسجيلدخولتسجيل دخول الاعضاءتسجيل دخول الاعضاء

شاطر | 
 

 اجمل واحلى الابوذيات العراقيه لا تفوتكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
صاحب الموقع
صاحب الموقع
avatar

عدد المساهمات : 63
نقاط : 184
تاريخ التسجيل : 05/10/2011
الموقع : مااصعب ان تحب شخص بجنون وانت تعلم لك لن يكون

مُساهمةموضوع: اجمل واحلى الابوذيات العراقيه لا تفوتكم   السبت يناير 28, 2012 3:27 am


اريد ابقه اني ﯾﻤﭻ ليل ونهار
ومن ﺤﺑﭻ شربت شطوط ... وانهار
اطيحن من اشوﻓﭻ كلي ... وانهار
وارد انبني من تلمسين اديه !!

*



عله هدومي زماني شر طيانه


وسجين الحلو كون و ... شرطي انه
واذا عن شرطي تسأل ... شرطي ﺁنه
من ابوسك كون ما تصرخ عليه !!



روحي شما تعت بيهه متنعت



وردت تذلهه الك لكن ... امتنعت
تره شما ردت تنعتني ... متنعت
لأن نعتك ردي وميليق بيه



نار فراكم بالقلب ماجن



وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟

سن سيفة الدهر بحشاي سنتين


مو حسافه العمر وياك سنتين
ابشرك من رصيدي بقآ سنتين
واذا عندك رصيد اتصل بيه

انه الصياد صادتني شبكتك

دخيل الله شكثر حلوه شبگتك
ادگ عليك مشغولة شبكتك
واظن مقفل جهازك بس عليه

رساله شوگ يالمحبوب ودلـــي

مثل ماوديت الك باخلاص ودلي
دلو غيري يجي متروس ودلــي
من البير ويرد فارغ بـــــــــديه


هجرتك للأبد وهجرت دارك



ما ادري حجي الناس فرك ودارك
شكد واجهت حبنا مشاكل وماعرفنة ندارك
بعد شلي بهل هم والاذيه

يفز گلبي گبلگ اه ...لو صاح

وتهت سكران انه بيك...لوصاح
غلط حبي الك معرفت ...لو صح
حبيتك انه والبلوه عليه

عن حبكم اريد اهجر بعد ...مارد


چي حبكم صفى لچلاي ...مـــــارد
اگله هاك عيوني اخذة يگول ...مارد
اگصصهن لو بعد تنطيك ادية

حبيبي من تصب الجاي حلـــــــــــــة ..

ومن تكعد اكباللي باحلة حلــــــــة ..
الي يعاشر ما يعشر غير اهل حلــــــــة..
صـدق ووفـة وغيرة وحميـــــة

تكلي بعد ما اريدك ولا ابيك


هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه


لمن اشكي هموم الدهرواشراح



وما ادري شبقى من العمر واشراح
الناس فخاذ تاكل لحم واشراح
وانا العظمات ماتحصل بديه

فراكك هدني ولا خله بيه ابد حيل

وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه



راحت روحي تتمشه ورمشاك



جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه


قسيت وياك يسمر عمي انا


وعين الي الماتشوفك عمي انا
اذا خالك فزعلك عمي انا
تبرة وضحك والوادم علية


علية الدهر لازم سيف ويسن


او ماهمة حبيبي العمر وسن
عشكت الاف ثم النون والسين
اوردت من فوك اللة ايكتبة الية



حجايانا قضن يشـــــــقر وكتهن



ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه



_________________
التوقيع




لا تحسبن صمتى يعنى النسيــــــــــــــــان... فالارض صامته وفى جوفها بركان
لايغركم سكوتى فى قلبى صرخه... تفزع البركـــــــــــــــان..
لا تغركم ابتساماتى... ساعات نبتسم من الاحزان !!
الرجوع الى أعلى الصفحة اذهب الى الأسفل
http://emkn.forumarabia.com
 
اجمل واحلى الابوذيات العراقيه لا تفوتكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قلبي وهم :: قسم الشعر الشعبي-
انتقل الى: