لاتبجين
لاتبجين عبراتج منايه ودمعتج سجين
لاتبجين
وانه كلبي بترافة وركة البربين
لاتبجين
وانت خدود عندج اترف منل ماي
ولو طاحت دمعتج تترك نياشين
لاتبجين
الي كلب يتحمل نص عذاب الكون
ومايحمل دمعتج لو تلالي العين
لاتبجين
ياعصفور جنحه وشاه نص اليل
يالوعة ندامه وحصرة متيهين
لالاتبجين
يل سيفج برائه وركبتي الجلاد
وهمومج حنينه وقسوتج عيدين
لاتبجين
انه ابروحي شترتج مو بحال ومال
ولكالج عذر مهما علي تجفين
لاتبجين
حبستج بلكلب كل عمري ذاك الراح
ومن يوم الطلعتي بلا كلب تدرين
لالالالاتبجين
ازق دمعي بورتج زقة العصفور
صار جناح عندج وجعلج تنسين
جم طعنه حملته وكلت يالله اطيب
وجروحي التونس بيهن اتنبشين
ادمنة الالم جيه منج اعتز بيه
وفتك بل جروح البيهن تلعبين
ناديتج مثل ايه بحلك مرعوب
مثل نبيه شتهيتج لو جفاه الطين
ونتظرج مثل صايم يتاني هلال
ومثل فرحة يتامه ابعيد ومعيدين
لالالالالالالالالالاتبجين
علمني بدمعتج ليش هسه اطيح
تبجين عله حالي لو علي تبجين
لالالالالاتبجين لالاتبجين
لاتبجين